Qafqaz Albaniyasının maddi-mədəni irsinin arxeoloji tədqiqi ekspedisiyası tərəfindən Kilsədağ məbəd kompleksi ərazisində 20 iyun 2024-cü il tarixində növbəti arxeoloji tədqiqat qazıntılarına başlanıb. 8 iyul tarixinə kimi aparılmış arxeoloji qazıntılar əsasən ərazidən daha iki ədəd dini-ictimai təyinatlı bina qalıqlarının bünövrəsi müəyyən edilib. Tədqiqat prosesində dairəvi məbəd kompleksi ilə həmdövr olan iri ölçülü binaların sayı daxildən müxtəlif ölçülü otaqlardan ibarət olmaqla beşə çatıb. Arxeoloji qazıntılar zamanı çoxlu sayda antik dövr üçün xarakterik olan kərpic və kirəmitdən ibarət olmaqla tikinti materialları, ilk orta əsrlər və orta əsrlərə aid keramik əşyalar və şüşə qab hissəcikləri aşkar edilib. Arxeoloji tədqiqatlar 30 iyul 2024-cü il tarixinə qədər davam edəcəkdir. Ekspedisiyanın rəhbəri tarix üzrə fəlsəfə doktoru, dosent Natiq Alışovdur.