2023-ci ilin sonlarında Azərbaycanın elm və təhsil müəssisələri ilə tanışlıq məqsədilə Çanakkale Onsekkiz Mart Universitetinin rektoru professor, doktor Cüneyt Erenoğlunun rəhbərlik etdiyi nümayəndə heyəti Arxeologiya və Antropologiya institutunda olmuş və arxeologiya sahəsində müştərək tədqiqat işlərinin perspektivləri müzakirə edilmişdi.

Bu istiqamətdə əlaqələrin genişləndirilməsi məqsədi ilə cari ilin avqust ayında Çanakkale Onsekkiz Mart Universitetinin rektoru Cüneyt Erenoğlunun rəsmi dəvəti ilə Arxeologiya və Antropologiya İnstitutunun direktoru tarix üzrə fəlsəfə doktoru, dosent Fərhad Quliyev Türkiyə Respublikasında elmi ezamiyyətdə olub. Səfər çərçivəsində onun Çanakkale Onsekkiz Mart Universitetinin rektoru ilə görüşü keçirilib, müştərək tədqiqat işlərinin əsas şərtləri, ortaq mövzuların seçilməsi və kadr hazırlığı ilə bağlı məsələlər müzakirələr olunub. Həmçinin, universitetin və Çanakkale Kültür Turizm Müdürlüyünün birgə təşkilatçılığı ilə Troya Muzeyində bölgədə aparılan arxeoloji ekspedisiyalarının rəhbərləri, Çanakkale Kültür Turizm Müdürlüyünün məsul şəxsləri ilə Fərhad Quliyevin görüşü təşkil edilib. Görüşdə Prof. Dr. Evren Karayel Gökkaya (ÇOMU Rektor köməkçisi), Ergun Çağman Esirgemez( Çanakkale Kültür Turizm Müdiri), Prof. Dr. Nurettin Arslan (ÇOMU Arxeologiya Bölməsi, Assos ekspedisiyasının rəhbəri), Prof. Dr. Rüstəm Aslan (ÇOMU Arxeologiya Bölməsi, Troya ekspedisiyasının rəhbəri), Prof. Dr. Turan Takaoğlu (Bozcaada ekspedisiya rəhbəri), Prof. Dr .Vedat Çalışkan (ÇOMU Coğrafiya Bölməsi), Dos. Dr. Oğuz Diker (ÇOMU Muzey bölməsi), Rıdvan Gölcük (Troya Muzeyi müdiri) iştirak ediblər.

Arxeologiya və Antropologiya İnstitutunun rəhbəri Fərhad Quliyevin rəsmi səfəri çərçivəsində, eyni zamanda, Çanakkaledə aktiv arxeoloji ekspedisiyalarda görüşlər keçirilib. Keçirilən rəsmi görüşlər zamanı AMEA Arxeologiya və Antropologiya İnstitutu, Çanakkale Onsekkiz Mart Universiteti və Çanakkale Kültür Turizm Müdürlüyünün birlikdə müştərək arxeoloji tədqiqatlarla bağlı ilkin əməkdaşlıq razılaşması əldə edilib. Səfər müddətində təşkil edilən görüş və proqramların hər birində  Fərhad Quliyevi universitetin rektoru Prof. Dr. Vedat Çalışkan müşayiət edib.